ଶଙ୍ଖ ଭବନରେ ବିଶ୍ୱ ଜନଜାତି ଦିବସ ପାଳିତ

ଭୁବନେଶ୍ୱର ସ୍ଥିତ ଶଙ୍ଖ ଭବନରେ ବିଶ୍ୱ ଜନଜାତି ଦିବସ ପାଳିତ ହୋଇଯାଇଛି। ଏହି ଅବସରରେ ବିଜୁ ଜନତା ଦଳର ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇ ଜନଜାତି ସମାଜର ଅଧିକାର, ସମ୍ମାନ ଓ ବିକାଶ ଉପରେ ଗୁରୁତ୍ୱାରୋପ କରିଥିଲେ।କାର୍ଯ୍ୟକ୍ରମରେ ଜନଜାତି ସମାଜର ସାମାଜିକ, ଆର୍ଥିକ ଓ ସାଂସ୍କୃତିକ ବିକାଶ ସମ୍ପର୍କରେ ଆଲୋଚନା ହୋଇଥିଲା। ଜନଜାତି ସମ୍ପ୍ରଦାୟର ପରମ୍ପରା, କଳା, ସଂସ୍କୃତି ଓ ଐତିହ୍ୟର ସୁରକ୍ଷା ସହ ସେମାନଙ୍କ ଜୀବନମାନର ଉନ୍ନତି ଦିଗରେ ଅଧିକ ପଦକ୍ଷେପର ଆବଶ୍ୟକତା ଉପରେ ବକ୍ତାମାନେ ମତ ରଖିଥିଲେ।ଏହି ଅବସରରେ ଜନଜାତି ସମାଜର ବିଭିନ୍ନ ପ୍ରତିନିଧି, ବିଜେଡି ନେତା ଓ କର୍ମୀମାନେ ଉପସ୍ଥିତ ଥିଲେ। ଜନଜାତି ସମାଜର ସ୍ୱାର୍ଥ ଓ ଅଧିକାର ପାଇଁ ଦଳ ପକ୍ଷରୁ ସ୍ୱର ଉତ୍ତୋଳନ କରାଯିବ ବୋଲି ଉପସ୍ଥିତ ନେତାମାନେ କହିଥିଲେ।ବିଶ୍ୱ ଜନଜାତି ଦିବସ ଅବସରରେ ଜନଜାତି ସମାଜର ଗୌରବମୟ ପରମ୍ପରା ଓ ସଂସ୍କୃତିକୁ ସମ୍ମାନ ଦେବା ସହ ସେମାନଙ୍କ ସାମଗ୍ରିକ ବିକାଶ ପାଇଁ ସମସ୍ତେ ଏକଜୁଟ ହେବାକୁ ଆହ୍ୱାନ ଦିଆଯାଇଥିଲା।